Эл аралык өнүктүрүү ассоциациясынан алдына турган 530 миӊ доллар өлчөмүндөгү грантык каражат жолдорду жакшыртуу долбоорунун 3-фазасын даярдоо жаатында жумшалат. Анын алкагында Ысык-Көл аймагындагы жолдорду жакшыртуунун техно-экономикалык негиздемеси иштелип чыгууга тийиш. Андан тышкары, «Каракол» аэробекети калыбына келтирилип, «Ысык-Көл» аэробектинин инфратүзүмү жакшыртылмакчы.
2016-жылдын 4-октябрында КРнын Финансы министрлиги Буткүл дүйнөлүк банкка кайрылып, трасттык фонддон аймактарды өнүктүрүү үчүн грант сураган.
Эмнеге шашылыш болууда? Техно-экономикалык негиздеменин эмне кереги бар? Бул суроолорго жооп издеп көрдүк.
Маалымат үчүн:
Техно-экономикалык негиздеме – бул кызматтын же өнүмдүн максатка ылайыктуу экени жазылган документ. Анда кандайдыр бир долбоордун чыгымдары анализденип, анын натыйжасы тууралуу маалыматтар жазылат.
Техно-экономикалык негиздеменин эмне кереги бар?
Ишканалардын ишинде кандайдыр бир өзгөрүүлөр боло турган болсо эрежеге ылайык техно-экономикалык негиздеме иштелип чыгат. Негиздемени түзүп жатканда ишканага түз же кыйыр тиешеси бар каржылык көрсөткүчтөр эсептелип жазылат.
Техно-экономикалык негиздеме банктан насыя аларда сөзсүз түрдө документтерге тиркелет. Мындан улам насыя берүү жана анын кайтарымджуу болуусу белгилүү болот.
Техно-экономикалык негиздеме кантип түзүлөт?
Техно-экономикалык негиздеме төмөнкү жоболордон турат:
Долбоордун резюмеси
Долбоордун идеясы. Ал эмнеге керек. Жана мындан ары кандай кадамдар боло тургандыгы баары так жана даана жазылат.
Өндүрүш үчүн керек болгон эсептер (каржы, чийки зат, эмгек акы, энергетика). Бул долбоорду ишке ашыруу үчүн канча каражат керектиги эсептелет. Эгерде техно-экономикалык негиздеме насыя алуу үчүн жазылса, анда баардык киреше булактары жагы жазылууга тийиш.
Экономикалык негиздеме (ишкана өзгөргөндөй кийинки эсептер). Натыйжалар, жыйынтыктар.
Бүттү! Эми ушунун баары 530 миң доллар болот экен.
Трасттык фонд Финансы министрлигинин арызын карап 530 миң доллар грант бөлүүгө макул болуптур.
