Кыргыз Республикасынын өкмөтүнүн токтому менен “Сапаттын эл аралык стандарттарын, анын ичинде тобокелдиктерди анализдөө жана соңку контролдук түйүндөрдү аныктоо принциптерине негизделген тамак-аш продукциясынын коопсуздугунун менеджменти системасын киргизүү аркылуу өндүрүлгөн продукциянын сапатын жана коопсуздугун жогорулатуу үчүн Кыргыз Республикасынын ишкердик субъекттерин каржылоо” долбоору (ХАССП) бекитилген.
- кайтаруу мөөнөтү – насыя алынган күндөн тартып 6 жыл;
- пайыздык коюму – жылына 1 %;
- негизги сумманы тындырууга жеңилдетилген мезгил – 1 жыл;
- негизги сумманы жана пайыздарды тындыруу квартал сайын бирдей төлөмдөр менен жүргүзүлөт;
- айыптык санкциялар – жылына 2%.
- ишкердик субъекттер үчүн насыяны кайтаруу мөөнөтү – 5 жыл, мөөнөтүнөн өтүп кеткен ар бир күн үчүн 0,03 % айыптык санкцияларды чегерүү менен коммерциялык банктын кошумча пайыздык коюму (маржа) жылына 5 (беш) пайыздан ашпоого тийиш;
- күрөөлүк камсыздоо – берилүүчү насыянын суммасынан, анын ичинде насыянын эсебинен алынуучу активдерди эсепке алуу менен, түпкү алуучулар үчүн 120 %дан кем эмес;
- насыянын суммасы 1 млн сомдон кем эмес жана 30 млн сомдон ашпайт;
- долбоордун жалпы суммасынын (зайымчынын өздүк салымын жана коммерциялык банк тарабынан берилүүчү насыялык каражаттарды эсепке алуу менен долбоордо каралган иштерди аткаруу үчүн талап кылынган ресурстардын наркынын өлчөмүнүн) 20 (жыйырма) пайызынан кем эмес өлчөмдө зайымчынын өздүк салымынын сөзсүз түрдө болушу;
- карыздын негизги суммасын төлөө боюнча мөөнөттү кийинкиге жылдыруу – насыя берилген күндөн тартып 1 (бир) жылга чейин;
- төлөөнүн мезгилдүүлүгү – квартал сайын.
Өтүнмөлөрдү карап чыгуунун жыйынтыктары боюнча, Кыргыз Республикасынын Финансы министрлиги Кыргыз Республикасынын Экономика министрлиги жана Кыргыз Республикасынын Улуттук банкы менен макулдашып коммерциялык банктарды тандоону жүргүзөт. Бирдей шарттарда артыкчылык кошумча пайыздык коюмдун (маржа) төмөнүрөөк өлчөмүн сунуштаган коммерциялык банктарга берилет».
