Экономика министринин орун басары Эльдар Абакиров белгилегендей, бул долбоор соода кылууга көмөктөшүүгө багытталган жана Борбор Азиялык аймактык экономикалык кызматташтыктын алкагында эл аралык стандарттарга ылайык транспорттук коридордун болушуна багытталган.
Долбоордо бардык керектүү болгон блоктор жана модулдар, анын ичинде чарбалык керектөөлөр, үстү жабылган жайдан адамдардын текшерүүдөн өтүүсү, кинологдор блогу, бажы текшерүү өткөрүү пункту, санитардык жана карантиндик текшерүү пункту, ветеринардык текшерүү посту, жалпы кызмат көрсөтүүчү жай, эки өткөрүү пункту ж.б. бар.
Учурда 4 өткөрүү пункту жана 7 ветеринардык өткөрүү пункттар камсыз болгон. Башка өткөрүү пункттарын дагы бюджеттин эсебинен камсыз кылуу үчүн иштер жүрүүдө. Транспорттук-коммуникациялык инфраструктуралар жөн гана приоритеттүү эмес, аймактын жана мамлекеттин өнүгүүсү керектүү нерсе”,-деп белгиледи министрдин орун басары.
Эске сала кетсек, буга чейин Кыргыз Республикасы менен Казакстандын ортосунда техникалык жардам берүү тууралуу Макулдашууга кол коюлган. Ага ылайык, Казакстан бизге 100 млн доллар бермекчи. Бул каражаттар дагы бажы инфраструктурасын жакшыртууга жана лабораторияларды жаңылоого сарпталмакчы. Орусия тарабынан дагы жакшы жардамдар болууда.
