Астанада 30-январда Казакстандын улуттук экономика министрлиги АКШнын эл аралык аналитикалык борборлор программасынын колдоосу менен “Казакстандагы аналитикалык борборлордун ролу” деп аталган эл аралык конференцияларды уюштурат.
Иш-чарага аналитикалык борборлор, изилдөө институттары, коомдук уюмдар, ММК өкүлдөрү жана Казакстандагы эл аралык уюмдар катышат. Уюштуруучулар 50дөн ашуун уюмдар катышарын айтышууда.
Талкуунун спикери катары Казакстандын стратегиялык институтунун, «Нұр Отан» партиясынын саясий анализ жана стратегиялык изилдөө борборунун, «Талап» прикладдык изилдөөлөр борборунун, Казакстандын Биринчи президентинин фондунун алдындагы дүйнөлүк экономика жана саясат институтунун, Казакстандын индустрияны өнүктүрүү институтунун, «Кипр» аналитикалык тобунун, «Зерде» улуттук холдингинин өкүлдөрү чакырылган.
Кыргызстанда дагы экономикада жана саясатта болуп жаткан абалды анализдеп турган аналитикалык борборлордун ролун аныктоо маселеси бар.
