Жыл башынан бери кыргыз-казак мамлекеттик чек арасындагы өткөрмө пункттарынан 37 миңден ашык автоунаа жүгү менен өткөн. Бул тууралуу Мамлекеттик салык кызматы билдирди.
Бул убакытта жүк ташыган Ысык Ата районундагы “Ак-Тилек” контролдук-өткөрмө пунктунда 21 миң 558 авто унаа катталган. Панфилов районундагы “Чалдыбар” өткөрмө пункту аркылуу 8 миң 329, Манас районундагы “Чоң-Капка” өткөрмө пункту аркылуу – 4 миң 775, Аламүдүн районундагы “Ак-Жол” өткөрмө пункту аркылуу – 2 миң 691 жүк ташуу ишке ашырылган.
Бул жүк ташуучу унаалардын ичинен салык мыйзамдарын бузгандыгы үчүн 335и кармалган.
