Жогорку Кеӊеште президент тарабынан талапкерлиги көрсөтүлгөн Кыдык Жунушбаев менен Нургүл Бакирова бюллетень аркылуу жашыруун добуш берүү жыйынтыгында Жогорку соттун судьялыгына шайланышты. Ал эми Ирина Воронцова, Дамира Орозова, Айдарбек Алымкулов жетиштүү добуш топтой алышкан жок.
Жогорку Кеңештин депутаттарынын добуш берүүсүнүн жыйынтыгы:
–Айдарбек Алымкуловдун талапкерлигине 81 депутат «каршы», 26 депутат «макул».
Нургүл Бакированын талапкерлигине 82 депутат «макул», 25 депутат «каршы».
–Ирина Воронцованын талапкерлигине 91 депутат «каршы», 16 депутат «макул».
–Кыдык Жунушбаевдин талапкерлигине 70 депутат «макул», 37 депутат «каршы».
–Дамира Орозованын талапкерлигине 65 депутат «каршы», 42 депутат «макул».
Ал эми токтомго жалпысынан 109 депутат добуш берип, баары колдоого алды.
