“Улуттук сомдун 25-жылдыгын жогорку деңгээлде уюштуруу керек”, –дейт ЖКтин жыйынында депутат Тазабек Икрамов.
Анын айтуусунда, ар бир мамлекеттин тарыхында маанилүү күндөр бар. Ал эми Кыргызстан бул жылы улуттук валюта сомдун 25-жылдыгын майрамдоого милдеттүү.
“ Улуттук валютасыз мамлекетти түзүү мүмкүн эмес. Бул күндү жогорку деңгээлде өткөрүү зарыл. Ошондуктан өкмөт алдын-ала кандай иш-чараларды өткөрүүнү пландап, канча каражат сарпталаарын эсептеп чыгуусу керек”, — деп белгиледи Тазабек Икрамов.
