Бул тууралуу сөз 27-ноябрда бишкекте, 30-ноябрда Нарында, 7-декбарда Ошто облустук форумда болду.
Форумдар ийгиликтүү практиктер менен жолугушуп, жергиликтүү өз алдынча башкаруу органдарынын потенциалын күчтөндүрүү үчүн аянтча болуп берүүдө.
Канча Айыл өкмөтү болсо ошончо көйгөй бар, демек аларды чечүүчү ошончо варианттар бар. Ар түрдүү айыл өкмөтүнөн келген катышуучулар жергиликтүү демилгелерди ишке ашыруу үчүн өз тажрыйбалары менен бөлүшүштү. Ошондой эле жергиликтүү бийликтин калк менен кызматташуусун жакшыртуу жолдору талкууланды.
Калктын пикири менен эсептешүү жергиликтүү өз алдынча башкаруу органдарына (өзгөчө жетекчилерге) төмөнкүдөй пайда алып келет:
“Жарандардын үнү жана жергиликтүү өз алдынча башкаруу органдарынын бюджеттик процессинин отчеттуулугу” деп аталган долбоордун жетекчиси Бекболот Бекиев жергиликтүү бийлик менен жергиликтүү коомчулук кызматташа калктын ишеними жогорулайт деген пикирде.
Ал эми форум учурунда муниципалитеттер арасында өткөрүлгөн 3 сынактын жеңүүчүлөрү аныкталды. Жеңүүчүлөргө дипломдор, сертификаттар тапшырылды.
Каражатсыз эч нерсе жасай албайбыз. Жергиликтүү демилгелердин каржы булагы ким? 64 арыздын ичинен 29у калктын өз каражатынан жана эмгегинен улам камсыз болгону белгилүү болду. 16 арыз гранттык каражаттарга, 13ү жергиликтүү бюджеттин эсебинен, калганы демөөрчүлөрдүн каражатына жасалганы белгилүү болду.
“сынактагы силердин жеңишиңер силердин демилгелериңердин жашоосунун уланып жатканы. Жеңиш долбоорлордун ишке ашуусуна жардам бериши керек ” ‚-деди Айнура Балакунова.
Жергиликтүү демилгелердин жыйынтыктары:
Сынактын жеңүүчүлөрү:
1-орун – “Балдар биздин келечегибиз”, арыз ээси Бостонбаева Телегей – Ош облусунун Кара-Суу районунун Кызыл-Суу айыл аймагынын «Султанмурат» бала бакчасынын жетекчиси – 150 000 сом утуп алды.
2-орун – “Ички сугат суу үчүн дамбаларды куруу”, арыз ээси Карабалаев Мирбек — Нарын облусунун Нарын районунун Учкун айыл аймагынын депутаты — 100 000 сом.
3-орун – “Жаштардын биримдиги жана Александровка айылынын келечеги”, арыз ээси Шарипов Абдулла Рахимович – Чүй облусунун Москва районунун Александровка айыл аймагы — 70 000 сом.
25 миң сомдон алгандар:
“Спорт – ден соолук булагы”, Чүй облусу Кызыл-Туу айыл аймагы.
“Билим берүү тармагында шарттарды жакшыртуу”, Нарын облусу, Ак-Чий айыл аймагы.
«Жийде Бурак» бала бакчасы, Ош облусу Көк-Жар айыл аймагы.
“Дени сак жаштар – дени сак улут!”, Чүй облусу, Ак-Башат айыл аймагы.
“Үй-бүлө – коомчулук менен байланыштыруучу көпүрө”, Ош облусу Шарк айыл аймагы.
“Жергиликтүү маанидеги маселелерди чечүүдө калктын жардамы”, Нарын облусу, Кара-Суу айыл аймагы.
“Большевик айылында бала бакча куруу демилгеси”, Ош облусу, Ак-Жар айыл аймагы.
“Балдарды коргоо күнүнө карата жарманке өткөрүү”, Чүй облусу, Ивановка айылы.
“Балдар биздин келечек”, Чүй облусу, Узун-Кыр айылы.
“Баардыгы балдар үчүн”, Чүй облусу, Көчөрбаев айылы.
“Маданият өнүккөн жерде баары өнүгөт”, Нарын облусу, Ак-Муз айылы.
“Семиз-Бел айылынын демилгеси”, Нарын облусу Семиз-Бел айылы.
“Айылдардагы аялдамалар, калктын коопсуздугу” Чүй облусу, Күн-Туу айылы.
«Телегей плюс» бала бакчасы, Чүй облусу Юрьевка айылы.
Ошондой эле 10 миң сомдон дагы акчалай сыйлыктар тапшырылды.
“Жергиликтүү демилге- бул таза аба, таза суу, жергиликтүү коомчулукту өнүктүрүү”,- деди Ивановка айылынын активисти Биялы кызы Бермет.
Ирина Байрамукова
