“Жерүй” кени Талас облусунда жайгашкан жана анын айланасында бир топ жылдан бери сүйлөшүүлөр жүрүп келет.
2015-жылы кенди иштетүү үчүн сынакты «Восток- гелдобыча» компаниясы утуп алган, бирок азыркыга чейин иш баштала элек.
Биринчи этапта алтын казуучу фабриканы курулса, экинчи этапта стратегиялык жактан маанилүү болгон жана калдык сактоочу жайлар курулмакчы. Эксперттердин пикири боюнча, технологиялык процесстерде жаңы методдорду колдонуу курчап турган чөйрөнү бузбайт.
Учурда компания курулуш иштерин аткаруучу подрядчиктерди тандоодо.
Белгилүү болгондой, «Казминералс» тоо кен компанияларынын алтын казуучу фабрикаларын кытай подрядчиктери курушкан.
“Жерүй” боюнча азыр сүйлөшүүлөр жүрүп, аны менен катат эле жол куруу, административдик мекемелерди, ашкана жана башка мекемелерди куруу маселеси чечилүүдө.
Орусиялыктар лицензияны 100 млн долларга сатып алышкан жана 20 жылга чейин күчүн жоготпойт.
Көп убакыттар бою кен чыгуучу жер жергиликтүү тургундардын нааразычылыгын жаратып келген, алар социалдык пакетке нааразы болушуп башка талапкерлер компанияларга талаптарды коюп келишкен. Бүгүнкү күнү Талас облусун социалдык-экономикалык жактан өнүктүрүү программасы боюнча келишим түзүлгөн.
Алгачкы 3 жылда жергиликтүү коомчулукка жыл сайын 100 млн сом бөлүнүп турат, андан соң жылына 150 млн сомдон берилмекчи.
Облустагы орто жана чакан бизнес өнүктүрүү фонду тарабынан 70%га каржыланып турмакчы. Азыртадан эле айыл-чарба тармагын өнүктүрүүгө, мал сатып алууга насыя берүү тармагы ачылган. 500 адам карыз алууга жетишкен.
Компаниянын планында бала бакча, мектеп жана жол куруу дагы бар. Ошондой эле жергиликтүү ооруканалардын материалдык-техникалык базасын жакшыртуу да каралган.
