Жолугушууда эки өлкөнүн ортосундагы мамлекеттер аралык жана парламенттер аралык кызматташуу маселелери боюнча пикир алмашуу болду.
Мамлекет башчы Кыргызстан менен Орусиянын коопсуздукту камсыздоо, аскер жана аскердик-техникалык кызматташтык, анын ичинде ЖККУ алкагындагы кызматташуунун жогорку деңгээлин белгилеп, бул багытта мындан ары кызматташуу үчүн чоң мүмкүнчүлүктөр бар экендигин билдирди.
Ал мындан тышкары эмгек мигранттар тууралуу маселеге токтолуп, Путин менен «миграциялык амнистияны» колдонуу жана аларга Орусиядан сырткары чыкпай туруп мыйзам талаптарын аткаруу мүмкүндүгүн берүү тууралуу жетишилген келишимди эске салып, бул маселени чечүүдө колдоо жана жардам көрсөтүлөт деген ишенимин билдирди.
Ал эки тараптуу кызматташуу сапаттык жактан жаңы деңгээлге чыкканын кошумчалады.
