Президент Сооронбай Жээнбеков бүгүн, 21-июнда өлкөнүн ички иштер министри Кашкар Жунушалиевди кабыл алды.
Жолугушууда ички иштер органдарынын ишмердиги жана жүргүзүлүп жаткан реформалар талкууланды.
Жээнбеков 2018-жылдын 8-февралындагы Коопсуздук кеңешинин чечимин өз учурунда аткаруу зарылдыгын белгилеп, айрым кемчиликтерге токтолду.
Мамлекет башчы коррупция менен күрөштү айрыкча ички иштер органдарында күчөтүү, көчө кылмыштарынын алдын алуу, милициянын тартибин жана жоопкерчилигин бекемдөө, жарандардын коомдук жайларда жана курорттук аймактарда коопсуздугун камсыздоо керектигин белгиледи.
Ички иштер министри Кашкар Жунушалиев Орусияга жасаган сапары тууралуу маалымат берди. Ал ошондой эле, Москвада кыргызстандык таксисттин жол кырсыгына кабылганы тууралуу айтып берди.
