Бишкек жылуулук борборундагы 8 камера гана атайын видеокамера катары мештерге жана барабандарга коюлган, ал эми калгандары кадимки эле күнүмдүк турмушта колдонулуучу жылуучу жана туруктуу камералар. Бул тууралуу 14-мартта жылуулук борборуна барып, камералардын санын тактап келген депутат Акылбек Жамангулов билдирди.
Анын айтымында, Бишкек жылуулук борборуна 123 камера жана бир сервер орнотулган. Ошондой эле, депутат аталган видеокамераларды сүрөткө да тарта келген.
Эске салсак, Бишкек ЖЭБиндеги авариялык кырдаалды иликтеген депутаттык убактылуу комиссиянын 13-марттагы жыйынында жылуулук борборуна видеокамералардын да өтө кымбат алынганы дагы талкууланган.
Бирок “Электр станциялары” ачык акционердик коомунун өкүлдөрү видеокамералардын базар баасынан 12 эсе кымбат алынышын дүйнөлүк стандартка ылайыктыгы менен түшүндүрүшкөн болчу.
