Улуттук коопсуздук боюнча мамлекеттик комитети Өкмөт аппаратынын мурдагы жетекчиси Нурханбек Момуналиевди суракка алды. Бул тууралуу маалыматты аталган мекемеден тастыкташты.
Момуналиев 22-мартта “Электр станциялар” ишканасы тарабынан Бишкек жылуулук борборуна меш казандарын сатып алууда мыйзамсыз тендер өткөргөн деген негизде сурак берди.
Мындан тышкары, 2017–2018-жылытуу мезгилине даярдык көрүп, ремонт иштерин өткөрүүгө бөлүнгөн каражаттан ири өлчөмдө кымтып алынганы айтылууда.
Бишкек жылуулук борборунда ремонт иштерин өткөрүүгө келишим түзүлгөн компаниянын негиздөөчүлөрүнүн бири Нурханбек Момуналиевдин жакын тууганы экени маалымдалды.
Эске салсак, үстүбүздөгү жылдын 12-мартында Нурханбек Момуналиев өкмөт аппаратынын жетекчилиги кызматынан бошотулган.
