Сомго которсок жайында баалар литрине 6 сомго жогорулашы мүмкүн. Эгерде Россияда тартыштык болуп жатса, демек бул Кыргызстандагы бааларга дагы таасир берет.
Баалардын жогорку көрсөткүчү
“Санкт-Петербургдагы эл аралык товар-сырьелук биржадагы дүн баалар 28-мартта максималдуу көрсөткүчкө жетти”,-деп жазылат “Товардык рыноктор кеңеши” коммерциялык эмес өнөктөштүк (СПТР – Россияда нефтеөнүмдөр менен соода кылган көз карандысыз трейдерлерди бириктирип турат) тараткан маалыматта.
“СПТР күйүүчү май рыногундагы ири оюнчулардын саясатына кабатырлануусун билдирди, себеби алар атайылап эле биржа рыногунда күйүүчү майдын сунушун чектөөдө. Ошентип жасалма тартыштык жаралып, баалар жогорулоодо”,-деп жазылат кеңешменин билдирүүсүндө. Анын маалыматына ылайык, май куюучу жайларда тартыштык пайда болууда, ошондуктан май куюучу жайлардын ээлери чыгашага учурашууда же аз эле киреше табышууда.
СПТРдин төрагасы дана «Солид-товарные рынки» компаниясынын ээси Илья Мороз биржада баанын тез жогорулап кетүүсү – экспорттук паритеттин жогорулоосунан улам болуп жатканын билдирди. Анын айтымында, экспорттук паритет нефтиге болгон дүйнөдөгү баа жогорулагандыктан да өсүүдө. Нефтичилер биржага ташыбай, аны сыртка алып чыгууга кызыкдар болушууда.
Компаниялар бааларды 1,5–2 рублга чейин жогорулатууга же такыр эле жабылууга аргасыз болушат деп санайт Алтай күйүүчү май биримдигинин жетекчиси Юрий Матвейко. Ири нефть компаниялары өңдүргөн майларынан 10%дан аз эмесин биржага сатууга милдеттүү жана майды экспорттоону дароо көбөйтүп жиберүүгө укуктары жок, мунун баары ички рынокто товардын тартыш болуусуна алып келет деп санайт ал.
Нефтичилердин убадасы
Баанын жогорулоосун жөнгө салуу татаал болот. Бааларды кармап туруу кыйын болууда дешүүдө трейдерлер. “Биз кайсы бир убакта бийлик менен макул болуп, майга болгон бааны жогорулаткан эмеспиз, жада калса арзандатканбыз, себеби өлкөдө шайлоо өтүп жаткан болчу. Азыр болсо бул нерсени компенсация кылуу керек. Ири нефть компаниялары биринчи кезекте май куюучу жайлардын ээлери тууралуу эмес, акционерлердин кызыкчылыктарын ойлоолору керек”,-деди ал.
Ал эми «Роснефть» менен ЛУКОЙЛ бул абалга комментарий берүүдөн баш тартты. «Газпром нефттин» басма сөз кызматы жооп кайтарган жок.
Кыргызстанда баа кандай болоруна азырынча эч ким сереп салбай эле, бирок биздин өлкө Россиянын майынан көз каранды экени талашсыз, ошондуктан биздин нефтетрейдерлер азыртадан ойлонуп баштоосу керек.
фото: спутник.кж сайтынан алынды
