Эл аралык форумга чет элдик жана кыргызстандык окумуштуулар, расмий жетекчилер, бизнес коомчулуктун өкүлдөрү катышып, токойду сактоо жана жакшыртуу маселелерине коомчулуктун көңүлүн буруу максатын көздөдү.
Сапар Исаков: «Экологиялык абал тууралуу ойлоноушубуз керек»
Мындан улам бул маселе глобалдык мааниге ээ болуп, өкмөттүн «Жаңы доорго кырк кадам» программасына киргизилген. Программада «Тоо токой» деген өзүнчө бөлүм иштелип чыккан.
Өкмөт башчы Сапар Исаков айлана-чөйрөнүн начарлап жаткан доорунда Кыргызстан салыштырмалуу түрдө таза жаратылыштын чөлкөмү экенин белгилеп, өлкөдө агрардык экономика жана оор өнөр жайынын болбогондугу өлкөнүн жаратылыш байлыгын сактап калууга мүмкүндүк бергенин билдирди.
Ага удаа баш министр Сапар Исаков өлкөдөгү токойлордун аянты, болжол менен, жалпы аянттын беш пайызын ээлерин, бирок бул башка өлкөлөр менен салыштырганда анча чоң эмес көрсөткүч болорун, андыктан, аткаруу бийлиги ар-кыл экологиялык демилгелерди ишке ашырууга активдүү көмөк көрсөтөт деп ишендирди.
Иш-чараны уюштуруучулардын пикиринде, айлана-чөйрөнүн бузулушуна жол бербөө үчүн тез өсүүчү бак-дарактардын аянтын көбөйтүп, ал үчүн бош жерлерге көчөттөрдү отургузуп, аларды мал-жандыктардан сактоо зарыл.
Кыргызстандагы белгилүү эколог, бул тармакты сактап калууга жан үрөп келе жаткан Эмил Шүкүров союз учурундагы абал менен азыркы абалды салыштырып, айлана-чөйрөнүн бузулуусуна азыртан чара көрбөсө, келечек муун үчүн кыйын болорун күтүлүп жактан чындык болот деген кабатырлануусун жашырбады.
Павловния дарагы – инвестициялык каражат
Форумга Италиядан келген селекционер Эмилио Армати өздүк ойлоп табуунун арты менен практикада колдонула баштаган жаңы “Павловния” дарагы тууралуу айтып жатып, ал жөн эле дарак эмес, инвестициялык каражат катары пайдалуу экенин ортого салды.
Жогоруда сөз болгон “павловния” дарагы ушул тапта Чолпон-Ата шаарында, Чүй каналынын жээктеринде, Токтогул районунда өстүрүлө баштаган.
Токтогул районунда бир гектар жерден ашуун аянтка бул дарактын көчөтүн тиккен Болот Батырканов бул даракты жергиликтүү климат кандай кабыл алганын төмөнкүчө билдирди.
Иш-чаранын соңунда катышуучулар экосистеманы сактап калуу, ал үчүн токойлуу жерде жашаган калктын отунга, курулуш материалдарына болгон муктаждыктарын алтернативалуу жолдор менен канааттандыруу, ири жана майда мүйүздүү малдардын санын кыскартуу, бул тармакка келип жаткан инвестициялык каражаттардын натыйжасы кандай болуп жатканына көзөмөл жүргүзүү, дарак көчөттөрүн көбөйтүп тигүүнү салтка айландыруу чакырыгы айтылып, сунуштар берилди.
Кыргызстан советтер союзу учурунда көчөттөр менен бардык союздаш өлкөлөрдү камсыз кылып турган. Бүгүнкү күндө Кыргызстандын токойчулары тарабынан калк жайгашкан аймактарды жашылдандыруу максатында 30 млн. даана ар кандай көчөттөр тигилүүдө.
Кыргызстандагы белгилү агроном Манас Саматовдун пикиринде, өмүрүндө бир да жолу буталбаган, карт дарактардын ордуна мөмөлүү бак-дарактарды тигүү мезгили келди.
Назгүл Бостонбаева
