Жаңы куралган өкмөт “Таза коом”, “Акылдуу шаар” долбоорлорунун алкагындагы иштерди улантат. Бул тууралуу премьер-министрликке сунушталып жаткан Мухаммедкалый Абылгазиев Жогорку Кеңеште билдирди.
Анын айтуусунда, Тогуз-Тородогу алтын кенди иштетүү боюнча да инвестор тартуу керек. Абылгазиев ошондой эле, инвесторлордун коопсуздугу менен катар эле жарандардын кызыкчылыгын да коргоо зарылдыгын белгилейт.
Мындан тышкары, ал депутаттардан колдоо күтөөрүн, өкмөттүн иши үчүн жоопкерчилик аларын айтты.
Эске салсак, Мухаммедкалый Абылгазиев аткаруу бийлиги саясий процесстерге аралашпай турганын билдирген.
