Өзбекстандын иш менен камсыз кылуу жана эмгек мамилелер министрлиги жана Түркиянын эмгек жана социалдык камсыз кылуу министрлиги эмгек мигранттарынын жана алардын үй-бүлөлөрүн коргоо тууралуу макулдашууга кол коюшту. Бул тууралуу Өзбекстандын эмгек министрлиги билдирди.
Документке дүйшөмбү күнү Түркиянын презденти Реджеп Тайип Эрдогандын Ташкентке болгон мамлекеттик иш-сапары учурунда кол коюлду.
Макулдашуу Өзбекстан менен Түркиянын жарандары болгон мигранттардын жана алардын үй-бүлөлөрүнүн укуктарын коргоо маселесин жөнгө салат.
Документке ылайык, мигранттар кабыл алган мамлекеттин аймагында жумуш берүүчү менен түзүлгөн келишимдин негизинде, кабыл алган өлкөнүн мыйзамына ылайык иштей алат.
Ошондой эле тараптар миграциялык агымдарды жөнгө салууга жана мыйзамсыз миграцияга бөгөт коюуга бар күчүн жумшашарын билдиришти.
