Кыргыз Республикасынын Президенти Сооронбай Жээнбеков менен Өзбекстан Республикасынын Президенти Шавкат Мирзиёев тар курамда жана кеңири форматта сүйлөшүүлөрдөн кийин жалпыга маалымдоо каражаттарынын өкүлдөрүнө биргелешкен билдирүү жасашты.
Ал бүгүн тар курамда жана кеңири форматта жолугушууларда көп маселелер боюнча тараптардын көз караштары бирдей экендигин баса белгиледи. “Кыргыз-өзбек мамилелеринин тарыхында мындай жагдай эч качан болгон эмес. Быйыл өлкөлөрүбүздүн ортосунда товар жүгүртүү 250 миллион долларды түздү. Балким жылдын акырына чейин бул цифра 280 миллионго чейин жетиши ыктымал. Биз соода жүгүртүүнү 500 миллион долларга жеткирели деп турабыз. Биз ортодогу бардык тоскоолдуктарды жоелу деген ойдобуз. Эки мамлекеттин чек арасынан күнүнө 10–15 миң адам өтөт. Мезгил келгенде эч кандай чек ара дагы болбойт”, –деп сөзүн жыйынтыктады Өзбекстандын Президенти Шавкат Мирзиёев.
Президент Сооронбай Жээнбеков бул жетишкендиктер жакшы коңшулаштыкты жана бир туугандык мамилелерибиздин бекемдегендигин кошумчалады.
Президент Сооронбай Жээнбеков Кытай-Кыргызстан-Өзбекстан темир жолун куруу долбоору боюнча биргелешип иштейбиз, деп сөзүн улады. Автоунаа менен жүк ташууларды жана жүргүнчүлөрдүн үзгүлтүксүз маршруттарын өнүктүрүү боюнча пландар бар. “Темир жол курулушу боюнча эки өлкөнүн жумушчу топтору ушул жылдын 25-декабрында жолугушат. Мына бүгүн эле биз биргелешкен ишканаларды түзүү жана өндүрүш линияларын жөнгө салуу боюнча макулдашуулардын турмушка аша баштаганын көрүп жатабыз”, –деди Президент Сооронбай Жээнбеков.
Анын айтымында, каражат өзбек товарларын импорттоо үчүн берилет.
