Документте белгиленгендей, акыркы жылдары өлкөдө косманавтика тармагында олуттуу изилдөөлөр жүргүзүлгөн эмес, эл аралык кызматташуу токтоп калган, инфраструктура эскирген, окумуштуулар кыскартууга дуушар болушкан, ал эми бул тармактагы өндүрүштөр жана уюмдар кайра түзүлгөн.
Комиссиянын негизги милдеттеринин бири – космикалык тармактары өнүккөн өлкөлөрдөн тажрыйба алмашуу, технико-экономикалык долбоорлорду анализдөө, космикалык жана спутниктик технологиялык долбоорлорду ишке ашыруу, космикалык тармакты системалуу башкаруу.
Бул иштин алкагында космикалык жактан тажрыйбасы мол чет элдик эң алдыңкы компаниялар менен жолугушууларды жүргүзүү пландалган.
Комиссияга 2 ай ичинде Президенттик аппаратка тиешелүү сунуштары, нормативдик-укуктук актылары менен аналитикалык маалымат берүү тапшырмасы коюлду.
