Мектеп ачылганы менен айрым кемчиликтери кийин түздөлгөн эле.
Азыр Ошто жаңы мектеп куруу пландалууда. Аны өзбек компаниясы жүргүзмөкчү. Эки өлкө ортосундагы мамиленин жакшырганы өз натыйжаларын бере баштады.
Буга чейин Ош шаарында Казакстандын каражатына ушундай эле мектеп курулганын эске салган депутат Айнуру Алтыбаева имараттын курулуш сапаты боюнча бир топ нааразычылыктар жаралганын айтты. «Биз мектептердин курулуш сапатына өзгөчө көӊүл бурушубуз керек. Көптөгөн имараттардын сапаты өтө начар. Ошондон улам, Билим берүү жана илим министрлиги мурда ишенимден чыккан курулуш компанияларынын «кара тизмесин» түзбөсө болбойт», — деди ал.
Түштүктө өзбек курулушчулары мыкты иштерин баары билет. Түштүктүн жашоочулары дагы турак-жай кураарда дал ушул өзбек курулушчуларын жалдаганы дагы бекеринен болбосо керек.
