Ысык-Көлдүк агро ишкерлеринин демилгеси боюнча аймакта “Ысык-Көл” экокластерин түзүү боюнча талкуу жүрүүдө. Экокластердин максаты — аймакта жер иштетүүнү жана багбанчылыкта толук органикалык экокластерди колдонуу болуп саналат. Ата мекендик өндүрүшчүлөр ассоциациясынын төрагасы Бакыт Дегенбаев билдиргендей, талкуу кызуу жүрүүдө.
Демилгечилер Ак-Өлөң айылында бактарды заманбап технологиялар менен кыйыштыруу боюнча катышуучулар менен мастер-класс өткөрүштү. Мастер-класстын катышуучуларына Америка Кошмо Штаттарынан атайын чакырылган , органикалык жер иштетүү жана багбанчылык иштери боюнча эксперт Алан Росс өзүнү тажрыйбасы менен бөлүштү. Мындай мастер-класстар бүткүл облус боюнча сервистик бригадаларды түзүүнүн башаты болуп калмакчы, мындан жергиликтүү агро ишкерлер өздөрүнүн багбанчылык чарбасын өнүктүрүү боюнча жардам жана тейлөөлөрдү өз убагында алып турушмакчы.
“Бул жарандар өздөрүнүн маселесин чечүүсү үчүн өз алдыларынча биригүүсүнүн бир үлгүсү болуп калды. Мунун баары КР жарандарынын турмушуна жакшы жагынан таасир берерине абдан ишенебиз. Ысык-Көл экокластеринин келечеги абдан кенен. Башка облустардын жашоочулары бул тажрыйбаны колдонуп, өздөрүнүн маселесин чечүү үчүн өз алдыларынча топторду жана жамааттарды түзүп алышса болот”,-деп белгиледи Бакыт Дегенбаев.
