Ысык-Көл облусунун администрациялык борборунда «Каракол бизнеске жана жашоого ыңгайлуу» аттуу экинчи бизнес форуму өтүп жатат. Бул форумда бизнести алып кетүү, өркүндөтүү жолдору талкууланууда.
Мында өлкөнүн ар тарабынан келген ишкердикте мыкты ийгилик жарата алгандар спикерлик кылып, тажрыйбалары менен бөлүшүүдө.
Форумга өлкөнүн бардык аймагынан 300 жакын жеке ишкерлер келген.
Жыйынды «Каракол дестинация коомдук бирикмеси» уюштурууда.
Бул форум биринчи ирет өткөн жылы уюштурулган. Анда бир гана туризм ишкердиги жаатында тажрыйба алмашуу болсо, бул жылдагы жыйынында бизнестин ишкерлер ар кыл тармагы боюнча пикир алмашат.
