JICA өкүлдөрү КРдагы тиешешлүү министрликтер менен бирге Тараз-Талас жолундагы Урмарал көпүрөсүн оңдоо тууралуу долбоордун Протоколун талкуулашты.
Учурда бул көпүрө авариялык абалда. Урмарал көпүрөсү бир жакка кыйшайып, айдоочулар үчүн коркунуч жаратууда.
Урмарал көпүрөсү оңдолсо Кыргыз Республикасында JICA долбоорунун алкагында оңдоп-түзөөдөн өткөн 5-көпүрө болот. Көпүрөнүн узундугу 90,5 метр, ал эми жазылыгы 14 м. Бул көпүрө эки тилкелүү болот. Долбоордун алкагында көпүрөдөн сырткары жолдун 1,112 метри оңдолмокчу.
Транспорт жана жол министрлигинин жетекчилиги JICA өкүлдөрү менен жолугушкан учурда бул көпүрө “Кыргыз Республикасынын Япония менен достугу” деп аталары белгилүү болду.
