Борбордук казыналыктын болжолдуу маалыматы боюнча, 2018-жылдын 1-кварталында мамлекеттик бюджеттин кирешесинин жалпы көлөмү 31 млрд 972,6 млн сомду же белгиленген пландык тапшырманын 101,4 пайызын түздү (ашыгы менен аткарылган сумма – 450,4 млн сом).
Былтыркы жылдын тийиштүү мезгилине салыштырмалуу бюджеттин жалпы кирешеси салыктык кирешелердин жана салыктык эмес кирешелердин түшүүлөрү өскөндүгүнө байланыштуу 3,1 пайызга же 952,6 млн сомго өстү.
Каралган мезгилде салыктык кирешелердин көлөмү 26 млрд 725,7 млн сомду же пландын 106,9 пайызын түздү (ашыкча аткарылган сумма – 1 млрд 716,6 млн сом). Өткөн жылдын тийиштүү мезгилине салыштырмалуу салыктык кирешелер 4 млрд 475,2 млн сомго же 20,1 пайызга өстү.
Булактардын түрлөрү боюнча алганда, бажы төлөмдөрү боюнча пландын аткарылышы төмөнкүдөй болду:
- Кыргыз Республикасынын аймагына үчүнчү өлкөлөрдөн ташылып келинген товарларга кошумча нарк салыгы (КНС) боюнча түшүүлөр 5 млрд 300,3 млн сомду түздү же план 135,7 пайызга аткарылды, өткөн жылдын ушул мезгилине салыштырмалуу түшүүлөр 1,8 эсеге өстү;
- Кыргыз Республикасынын аймагына үчүнчү өлкөлөрдөн ташылып келинген товарларга акциздик салык боюнча түшүүлөр 17 млн сомду же пландын 152,2 пайызын түздү, былтыркы жылдын ушул мезгилине салыштырмалуу салыктын түшүүлөрү 2 эсеге өстү;
- эл аралык соодага салыктар боюнча түшүүлөр 4 млрд 44,6 млн сомду түзүп, пландык көрсөткүч 107 пайызга аткарылды (2017-жылдын тийиштүү фактысына карата өсүш темпи – 119,6 %), анын ичинде ЕАЭБдин алкагындагы ташып келүү бажы алымдары боюнча 3 млрд 724,1 млн сом (2017-жылдын тийиштүү фактысына карата өсүш темпи – 116,8 %) келип түштү.
Отчёттук мезгилде Мамлекеттик салык кызматы тарабынан 18 млрд 310 млн сом суммасында киреше чогултулуп, пландык көрсөткүч 101,2 пайызга аткарылды. Кумтөрдү эсепке албаганда, план 101,4 пайызга орундалды. Былтыркы жылга салыштырмалуу МСКнын кирешеси 10,5 пайызга же 1 млрд 742,8 млн сомго өстү. Кумтөрдү эсепке албаганда, түшүүлөр 12,2 пайызга же 1 млрд 832,5 млн сомго өстү.
Салык агенти тарабынан төлөнүүчү киреше салыгынын иш жүзүндө чогултулушу 2 млрд 218,6 млн сомду түзүп, пландык көрсөткүч 97,7 пайызга аткарылды. Былтыркы жылдын тийиштүү мезгилине салыштырмалуу салыктын түшүүсү 5,4 пайызга же 113,9 млн сомго өстү. Бул өсүш орточо айлык маянанын өсүшү менен камсыздалды.
Кыргыз Республикасынын резиденттери эмес жактардын кирешелерине салыктын түшүүсү 385 млн сомду же пландын 102,8 пайызын түздү. Былтыркы жылдын тийиштүү мезгилине салыштырмалуу түшүүлөр 42,3 млн сомго же 12,3 пайызга өстү.
Патенттин негизинде салыктардын түшүүлөрү 605,3 млн сомду же пландын 101,6 пайызын түздү. Патенттин негизинде салыктын түшүүлөрүнүн өсүш темпи өткөн жылдын бирдей мезгилине карата 107,9 пайызды түздү.
Жер салыгы боюнча түшүүлөр жалпысынан 323,9 млн сомду түзүп, пландык көрсөткүч 103,6 пайызга аткарылды. Былтыркы жылдын тийиштүү деңгээлине салыштырмалуу түшүүлөр 5 пайызга же 15,3 млн сомго өстү.
ЕАЭБге мүчө мамлекеттерден Кыргыз Республикасынын аймагына ташылып келинген товарларга КНСнын түшүүсү отчёттук мезгилде 4 млрд 31,1 млн сомду түзүп, пландык көрсөткүч 107,4 пайызга аткарылды. Былтыркы жылдын тийиштүү мезгилине салыштырмалуу түшүүлөр 19,1 пайызга же 645,3 млн сомго өстү.
Сатуудан алынуучу салык боюнча жыйымдар 1 млрд 10,3 млн сомду түзүп, пландык көрсөткүч 97,1 пайызга аткарылды. Өткөн жылдын бирдей мезгилине салыштырмалуу түшүүлөр 0,8 пайызга жогорулады.
ЕАЭБге мүчө мамлекеттерден Кыргыз Республикасынын аймагына ташылып келинген товарларга акциздик салык боюнча фактылык жыйымдар 1 млрд 375,6 млн сомду түздү. Пландык көрсөткүч 86,6 пайызга аткарылды. Өткөн жылдын бирдей мезгилине салыштырмалуу түшүүлөр 8,2 пайызга өстү.
Салык органдары тарабынан жер казынасын пайдалангандык үчүн салык 347,7 млн сом суммасында чогултулду же план 113,3 пайызга аткарылды. Өткөн жылдын бирдей мезгилине салыштырмалуу түшүүлөр 23,1 пайызга жогорулады.
Каралган мезгилде мамлекеттик бюджеттин салыктык эмес түшүүлөрү 4 млрд 465,4 млн сомду же пландын 103 пайызын түздү. Өткөн жылдын тийиштүү деңгээлине салыштырмалуу жыйымдар 2 млрд 298,6 млн сомго же 34 пайызга төмөндөдү. Түшүүлөрдүн төмөндөшү өткөн жылдын март айында бюджеттин киреше бөлүгүнө Кыргыз Республикасынын Улуттук Банкынын пайдасынын түшкөндүгүнө байланыштуу болду, ошол эле убакта быйылкы жылдын тийиштүү мезгилинде бул түшүүлөр болгон жок.
