Апрель айында бюджеттик мекемелерде иштегендердин эмгек акысына 2 миллиард 722 миллион 814,4 миң сом бөлүндү. Бул тууралуу Финанасы министрлигинин басма сөз кызматы билдирди.
Ал эми калкка социалдык жардам катары жөлөк пулдарды төлөөгө 677 миллион 625,8 миң сом бөлүндү.
Жалпысынан республикалык бюджеттен мекемелерге 11 миллиард 390 миллион 458,4 миң сом бөлүндү.
Мындан тышкары, тышкы жана ички карызды тейлөөгө 2 миллиард 529 миллион сом жумшалды. Калган каражаттар чыгашалардын башка корголгон жана корголбогон беренелери боюнча сарпталды.
