2018-жылдын 1-апрелине карата Токтогул суу сактагычындагы суунун көлөмү 14,448 млрд м3 болду. Бул тууралуу өкмөт жыйынында Өнөр жай, энергетика жана жер казынасын пайдалануу мамлекеттик комитетинин төрагасы Улан Рыскулов билдирди.
Бул 2017-жылдын ушул мезгилине салыштырмалуу 1,67 млрд м3 жогору.
Ошондой эле, 2017-жыл үчүн “Электр станциялар” ишканасы 2016-жылга салыштырмалуу 18 пайызга көп электр энергиясын иштеп чыккан.
Эске салсак, премьер-министр Мухаммедкалый Абылгазиев бүгүн, 24-апрелде, 2017–2018-жылкы күз-кыш мезгилинен өтүү жыйынтыктары боюнча жумушчу кеңешме өткөрдү.
