Жыл өткөн сайын адамдардын көпчүлүгү футурология менен алек болуп башташууда. Алардын бири келечек технологиясынын тарапташы болгон Ford автоконцернинин эксперти Джон Эллис. Анын пикиринде, жакында унаалар бекер болуп баштайт. Жакында унаа базарына учурда ИТ-индустрияда стандарт катары саналган модель келет. Колдонуучулар өз маалыматтарын берүү менен социалдык тармактар, онлайн-кызматтар жана медиаресурстар менен пайдалана алышат. Корпорациялар болсо аналитика чогултуп, аны өз кызыкчылыгына колдонушат же үчүнчү жактарга сатышат.
Унаа корпорациялары унааларды бекер да берип башташат. Муну менен алар унааны саткандан дагы көп киреше табышат.
Унаа компаниялардын кардарлары жеке жактар жана мамлекеттик уюмдар болушу мүмкүн. Ишкерлер аларга унаанын баардык иштери тууралуу маалымат берип турушат: фаралары кандай иштеп жатканы, терезе жуугучтары кандай иштеп жатканы, санарип системасынын иши тууралуу маалымат берип турушат.
Мисалы, унаа көчүп жүрүүчү метеостанцияга айланышы мүмкүн дагы, аба ырайы тууралуу маалымат топтоп, аны тиешелүү мекемеге берип турат. Ал үчүн метеокызмат 3000 доллар төлөйт, бирок метеостанция куруунун кереги жок болот дагы кирешесин үнөмдөп калат. Ошондой эле унаа өндүрүүчүлөр жолдордун абалы тууралуу маалымат топтоп, аны өкмөткө берип турат. Же үндү таануу менен иштеген ИТ-компанияларга мирофондордогу маалыматтарды жеткирип турат.
Эллис товарларды маалыматка алмаштырууну бекер деп саноого болбой турганын кошумчалады. Колдонуучу унааны же турак-жайды жөн гана албай эле, ал өзү тууралуу маалыматтарга алмашып жатат. Ал төлөп жатат бирок акчалай эмес.
Ал эми башка дүйнөлүк эксперттер болсо 2020-жылга карата унаа ээлеринин маалыматтары унаадан да кымбат болуп каларын билдиришүүдө.
Булак:«Хайтек»
