2 жыл мурун Кыргызстан Евразиялык экономикалык биримдикке киргенде Экономика министрлиги ата мекендик ун өндүрүүчүлөрдү колдоо үчүн буудайды КНСтен бошотууну сунуштаган. Бирок буудай тартылып ун болгондон кийин ишкерлер КНС төлөөсү керек болчу. Бирок мыйзам долбоору парламентте каралып жатканда КНСтен ун дагы бошотулуп калганын Экономика министрлиги билдирди.
Бул ченемдик укук актысынын кабыл алынышы төмөнкүдөй натыйжаларга алып келиши болжолдонууда:
- өлкөнүн азык-түлүк коопсуздугунун сакталышына;
- эгинди кайра иштетүү тармагынын сакталып калышына;
- айыл чарбасынын кызыкчылыгын корголушуна;
- азык-түлүк көз карансыздыгына көзөмөлдүн сакталышына;
- бюджетке 1 млрд.сомдон ашык каражаттын түшүшүнө;
- бюджет таӊсыктыгынын кыскарышына.
Ошондой бул чечимди кабыл алуу төмөнкү негизде болот:
–Буудайды жана унду сатууда КНСке болгон жеңилдиктен болгон жоготуулар:
- 2014-жылы — 635,2 млн. сом;
–2015-жылы — 499,6 млн. сом.
Белгилей кетсек, буга чейин Кыргызстандын өнөктөш каржы донору Эл аралык валюта фонду Өкмөткө эгин менен унга карата кошумча нарк салыгынын коюмун тезинен көтөрүү сунушун берген. Кошумча нарк салыгы кыйыр салыктардын түрүнө кирет.
