Жогорку Кеңештин бюджет жана финансы боюнча комитети Улуттук банктын төрагасы Толкунбек Абдыгуловдун 2017-жылы аткарылган иштер боюнча жасаган отчётун жактырды.
Эске салсак, Улуттук банк 2016-жылы 52 жолу, 2017-жылы 21 жолу интервенция жасаган.
Ал эми банктын өткөн жылдагы кирешеси 2,4 млрд сом болду, анын 2,1 млрд сому бюджетке которулду.
Белгилей кетсек, 2018–19-жылдары кирешесинин 90 пайызын бюджетке которот. Мындай чечим бюджеттин дефицитине байланыштуу кабыл алынган. Эки жылдан кийин банк өз кирешесинин 30–70 пайызын гана бюджетке төгөт.
