Жогорку Кеӊеште “Ишкердиктин субьектерине текшерүү жүргүзүү тартиби жөнүндө” КР мыйзамына өзгөртүүлөрдү киргизүү жөнүндө мыйзам долбоору каралып, экинчи окууда добуш берүүгө жөнөтүлдү.
Өкмөттүн маалыматына караганда, мыйзам долбоору аркылуу иштеп жаткан мыйзамга текшерүүлөрдүн тартиби менен жол-жобосун жөнгө салбаган мамлекеттик органдардын тизмесин өзгөртүү демилгеси сунушталууда. Ал техникалык гана түзөтүү болуп саналат. Анткени, “ыйгарым укуктук орган” деп гана белгиленүүдө.
Мыйзамда аталган мурдагы Транспорт жана жол министрлигине караштуу Мамлекеттик транспорт инспекциясы акыркы беш жылдын ичинде эки жолу кайра уюштурулуу менен, аты өзгөрүлгөндүктөн, мыйзамдык карама-каршылыктар жаралууда. Ошондон улам, анын атын кайрадан тактоо зарылдыгы жаралган.
Андан сырткары, ушу тапта учак менен ташылган жүктү 10 инспектор текшерип жатканы, жакында дагы 10 штат бирдиги ачылганы турганы белгилүү болду.
Депутаттар жүктү текшерчү инспекторлордун кызмат ордуна жалаӊ гана кесипкөй адамдарды алуу зарылдыгын белгилешти.
