22-февралда Жогорку Кеңештин жыйынында “КР айрым мыйзам актыларына өзгөртүүлөрдү киргизүү тууралуу” мыйзам долбоору (Турак жай кодексине, Администрациялык жоопкерчилик жөнүндө кодекске, Бузуулар жөнүндө кодекске) 3- окууда каралды.
Мыйзам долбоору боюнча Экономикалык жана фискалдык саясат боюнча комитеттин төрагасы Нурланбек Макеев баяндама жасады.
Мыйзам долбоору КР Өкмөтү тарабынан аныкталуучу туристтик зоналарда жайгашкан көп батирлүү үйлөрдөгү өзүлөрүнүн турак жайларын мейманкана катары менчик ээсине ижарага берүү маселелерин жөнгө салуу максатында демилгеленет. Айрым региондун жарандарына көп батирлүү үйлөрдөгү өзүлөрүнүн турак жайларын мейманкана катары пайдалануудан пайда табуу мүмкүндүгүн берүү бөлүгүнө өзгөртүү киргизүү сунушталат.
Жыйынтыгында мыйзам долбоору 2-окууда добуш берүүгө жиберилди.
Эске сала кетсек, демилгечилер – Жогорку Кеңештин депутаттары Алтынбек Жунус уулу, Гүлшат Асылбаева, Максат Сабиров, Дастан Бекешев, Алмазбек Баатырбеков.
