Трамптын бир нече өлкөнү кемсинткени конгрессмендердин кыжырдануусун жаратты.
Ак үйдө мыйзам чыгаруучулардын катышуусунда иммиграциялык саясаттагы реформаларга арналган жыйын өткөрүп, президент Гаитиден жана Африка континентинен келген иммигранттардын дарегине сын айтып, жогорудагы өлкөлөрдү «санда жок өлкөлөр» деп атаган.
Бир катар демократтар президенттин бул сөздөрүн расисттик деп сынга алышса, айрым республикачылар Трамптын айткандары аларды ирээнжиткенин билдиришти. Бул тууралуу маалыматты биринчилерден болуп The Washington Post өздү булактарына таянып жазып чыкты.
Жыйында негизги тема — өспүрүм кезинде ата-энелери АКШга мыйзамсыз алып келген мигранттарды легалдаштыруу болгон. Трамп алардын арасында гаитиликтер бар экенин угуп, мунапысты аларга карата колдонбой койсо болобу деп суроо узаткан.
Ак үйдүн басма сөз катчысынын орун басары Радж Шах бул маалыматты четке каккан жок. Ал биринчи кезекте чет өлкөлүктөрдүн жыргалчылыгына кам көргөн вашингтондук саясатчылардан айырмаланып, Трамп америкалыктардын кызыкчылыгын жогору коёрун белгиледи. Ошондуктан Америка башка өлкөлөрдөгүдөй иммигранттарды кабыл алууда баллдык системага өтүүнү каалап жатканын кошумчалады.
2017-жыл Кыргызстандын көпчүлү жарандары үчүн ийгиликтүү болду. Гринкард алгандарды саны көбөйдү, быйыл дагы алардын саны көп болору күтүлүүдө. Бирок АШДа мыйзамсыз жүргөн КР жарандарынын саны өтө тез өсүүдө. АКШда мыйзамсыз жүргөндөрү аз келгенсип балалуу болуп алгандар да жок эмес. Мындай адамдар саясий лидерлер тарабынан куугунтукка учурашы мүмкүн.
Эске сала кетсек, былтыр ММКларда Мексиканын чек арасында АКШга мыйзамсыз кирүүгө аракет кылган мекендештерибиз тууралуу маалымат тараган. Алар АКШдан саясий баш паанек сурашкан. Мындан ары кыргызстандыктар башка өлкөлөрдүн укук коргоочуларынын колуна түшпөсө экен деп тилек кылалы.
