Максат Төрөбеков өнүмдү чыгаруучулардын бири. Ал 28 жашына чейин тедекоммуникация тармагында иштеген. Андан бир жолу куурулган буурчак сатып келүүнү суранышкан, бирок алар базарда гана, таңгаксыз сатылары белгилүү болгон.
Буурчактын бул түрүн жактыргандар көп эле болчу эле деп ойлогон Максат өзүн башка тармакта сынап көрүүнү чечкен. Досторунун колдоосунун жардамы менен ал ишкердикти баштаган. Аны түзүү учурунда бир топ өзгөртүлөр болгон.
Ошондой эле Oimo Foods буурчак менен кургатылган жемиштердин аралашмасы боюнча долбоорун ишке киргизген. Кыргызстанда мындай өнүмдүн болбогону чоң жетишкендик болгон. Ар бир аралашманын курамы адамдын жашоосуна жакшы таасир берет.
Спортту жактыргандар үчүн Энергомикс иштелип чыккан, анын курамында буурчак, мейиз, бадам, кургатылган өрүк, ашкабак данеги, башкача айтканда белоктор, углеводдор бар. Фитомикс – мейиз, бадам, ашкабак данеги жана кургатылган өрүктөн турат.
Ал организмди, ашказан-ичегилерди тазалап турат. Учурда дүкөндөрдөн Oimo Foodsдун экологиялык жактан таза болгон ар кандай түрүн тапса болот. Ар бир кардар өзү каалаган аралашманы таба алат.
“Албетте, башында оор болгон, базарды анализдеп чыгуу керек болгон. Өзгөчө биз таңгактын дизайны менен көп иштедик. Ал оригиналдуу болуусу керек болчу. Таңгактагы атайын “терезе” анын ичиндеги ашты көрүп, сапатын баалоого мүмкүнчүлүк берет.
Бул ишенимди арттырат. Баса, биз атайын экотаңгактарды колдонобуз. Айлана-чөйрөнү коргоо үчүн атайын кагаз таңгактар. Ошондой эле чийки затты биз Кыргызстандан алабыз. Өнүмдү цехте чыгарабыз, ал Баткенде орун алган. Өнүмдү тазалоого абдан жакшы көңүл бурабыз. Мисалы мейизди алалы. Ал даярдалганга чейин бир нече этаптан өтөт:
Биринчи – бул бракераж, башкача айтканда ар бир мейизди карап чыгабыз.
Экинчи этап – жуу, андан кийин аны ысык сууда ( 98 – 100 градус) 15–20 секунд чылайбыз. Андан кийин кургатылып, андан соң атайын камерада кайрадан кургакталат, ал жакта кургак, ысык аба уруп турат.
Ошентип биз өтө таза азык алабыз. Ал жакта курттар, личинкалар жок. Биз пайдалануу мөөнөтүнө кепилдик бере алабыз – таңгакталган өнүмдү жарым жыл сактаса болот, анткени ал жакта консерванттар жок”,- деди Максат Төрөбеков.
Кыргызстандын базарына чыкканына жарым жыл болгонуна карабастан Oimo Foods бир топ ийгиликтерге жетишти. Алар өлкөдөгү “Боорсок”, “Глобус”, “Арзан” , “7 дней” сыяктуу чоң гипермаркеттерге жеткирилет. Ошондой эле кофе саткан жерлерге, спорт залдарга да сатылат. Алар Орусиянын жана Казакстандын базарына чыгууну пландап жатышат.
“Бизнес кылуу үчүн өлкөдө жакшы шарттар бар. Албетте, айрым жаман көрүнүштөр жок эмес, бирок аз. Жаңы долбоор баштоодо баарын жакшылап ойлонуштуруу керек. Тобокелчиликке баруу керек, бирок аны башкара билүү зарыл. Анын үстүнө баары ишкерден, бизнести жургүзүү моделинен көз каранды.
