Кыргызстандын азык-түлүк базарында жашылча-жемиштердин баасы түшпөй, кымбат баада сатылууда. Ушул күндөрү Бишкекте картошканын бир килограммы 35–40 сомдун, пияз 30–35 сомдун тегерегинде сатылып жатат. Сабиздин баасы 40 сом. Мындай абалды айыл чарба министрлиги жашылчаны коңшу өлкөлөргө экспорттоо күч алып, кымбат болуп жатат деп билдирди.
Бишкектин базарларында картошка, пияз жана капуста сыяктуу жашылча баасы өсүп, картошка өткөн жылга салыштырмалуу эки эсеге чейин кымбаттады. Анын себебин сатуучулар өкмөт дыйкандарга салыкты көтөрүп салып, алар да жашылча жемиштеринин баасын көтөрүп жатканы менен түшүндүрүүдө.
Айыл чарба министрлигинин Азык-түлүк коопсуздугу жана маркетинг башкармалыгынын жетекчиси Анара Бекулуева жашылча-жемиштердин кымбаттоосун учурдагы экспортко кетип жаткан жашылча жемиштердин көлөмү көтөрүлүүдө. Мындай учурда базардагылар бааларды көтөрүп алууну адат кылып алган. Анан бааларды жөнгө салган агенттик толук кандуу иштеп, көзөмөлдү жакшы кылса баалар кармалмак.
Монополияга каршы жөнгө салуу мамлекеттик агенттиктин өкүлү Сагындык Маматумаров базардагы жашылча, жемиштердин бааларын көзөмөлдөөгө өкмөттүн токтому чыкканда гана чара көрүлөөрүн белгиледи. Анын айтымында, базарда баалар аттандаштык менен аныкталып сатыла берилет.
Эскерте кетсек, өткөн жылы республика боюнча 1 млн 191,2 миң гектар жер иштетилди. 2016-жылдын жыйынтыгында күрүчтүн, пахтанын, кант кызылчасынын, жүгөрүнүн, картөшкөнүн түшүмдүүлүгү жогорулаган. Натыйжада 197 млрд сом дүң продукция өстүрүлдү. Быйыл 1 млн 203,6 миң га жерге үрөн себилди. Өткөн жылга салыштырмалуу 11 миң га жер көп иштетилген.
