Бүгүн маалымат жыйынында Кыргызстандын жеңил өнөр-жай өкүлдөрү маалымат жыйынын берип жетишкендиктери жана алдыдагы пландары менен бөлүшүштү.
Мамлекеттик жеңил өнөр-жай комитетинин жетекчиси Фатима Садамкулова 2016-жылы экспорттук өнүмдүн көлөмү 95,5 млн доллар болгонун айтты.
Кыргызстандан болгон экспорттун жалпы көлөмү 1 млрд 860 млн доллар жана биздин ата мекендик тикмечилик тармак экспорт боюнча баалуу металлдардан жана айыл-чарбасынан кийин эле 3-орунда турат.
Садамкулованын айтымында, Улуттук статистикалык комитеттин тигүүчүлүк тармак 20%га төмөндөгөнү тууралуу маалыматтар чындыкка дал келбейт.
“Тигүүчүлүк тармакта 80% өнүм жеке ишкерлер тарабынан чыгарылат, алар Улуттук статистикалык комитеттин эсебине кирбейт. Учурда Мамлекеттик комитет Улуттук статистикалык комитет жана Салык кызматы менен биргеликте жеке ишкерлердин тизмесин түзүү боюнча жумуштарды оптимизациялоо боюнча иш алпарууда”, –деп кошумчалады ал.
Учурда тигүүчүлүк тармакта 205 млрд сомдон ашуун каражаттын өнүмү чыгарылган.
Жакынкы убактарда 2020-жылга чейин программа иштелип чыгат.
“2016-жылдын ичинде Кыргызстанды БУУнун Өнөр жайды өнүктүрүү боюнча Бириккен Улуттар Уюму (ЮНИДО) программасына Кыргызстанды киргизүү боюнча иштер жүргүзүлдү. Мындай статусту алса Кыргызстан программалык документтерди иштеп чыгуу үчүн 500 миң доллар алат”,-деди Фатима Садамкулова.
Жалпылап айтканда 2012-жылга чейин тигүүчүлүк тармагы өтө активдүү өнүккөн. 2014–2015-жылдары тигүү көлөмдөрү азайган, бул коңшу өлкөлөрдүн сатып алуу мүмкүнчүлүгүнүн төмөндөшүнө байланыштуу болгон.
«Салкын» ЖЧКсынын башкы директору Чыныбек Ажибеков жаздын келиши менен алар товарын Белорусияга жана Германияга экспорттоону пландап жатышканын айтты.
Бишкекте байпак чыгарган фабрика иштейт, ал жакта 250 жумуш оруну түзүлгөн, ал эми трикотаж фабрикасы 120 жумушчуну камсыз кылмакчы.
“2015-жылы «Транстекстиль» корпорациясы кыргыз-орус өнүктүрүү фондуна кайрылып, ал жактан жеңилдетилген насыя берилди. 10 айдын ичинде биз трикотаж кездемелерин чыгаруучу заманбап фабрика курдук”,- деди ал.
Буга чейин корпорация өнүмүн Орусияга гана экспорттоп келген.
ЕАЭБ рынокту кеңейтип берген.
