ЕАЭБге мүчө мамлекеттердин ичинен Кыргызстан менен Казакстан ЕАЭБге мүчө мамлекеттер менен чектеш болбогондуктан “чоң оюнчулар” үчүн стратегиялык коркунуч туудурбайт.
10-ноябрда чек арадагы абал боюнча кайрылууну Женевдагы Бүткүл дүйнөлүк соода уюмунун жыйынында карашты.
Эске сала кетсек, Казакстан Кыргызстандын бир нече компаниясынын азык-түлүгүн ташууга тыюу салды. Буга техникалык регламенттеги талаптарды бузуу себеп болгонун 10-ноябрда брифинг учурунда башкы санитардык дарыгер Жандарбек Бекшин билдирди.
Жергиликтүү агенттиктер Жандарбек Бекшин Кыргызстандын өнүмүнүн сапаты начарлап кеткенин билдиргенин жазып чыгышты. Бекшиндин айтымында, былтыр Кыргызстандан ташылган өнүмдүн 4 пайызы талаптарга жооп берчү эмес, ал эми быйыл болсо 10 пайызга жогорулады.
Коңшулардын кабыл алган чараларына жооп катары Кыргызстан 300 миң тоок жумурткасын өткөрбөй койду. Бул тууралуу Ветеринардык жана фитосанитардык коопсуздук боюнча инспекциянын жетекчиси Калысбек Жумаканов билдирди.
Инспекциянын жетекчиси белгилегендей, жүк ташуучу унаада жалпы 300 миң жумуртка бар болчу. Тиешелүү документтеринин жоктугунан улам товар Казакстанга кайтарылган.
Техрегламенттерди сапат стандарты катары эмес курал катары колдонуу качанкыга чейин созулары азырынча белгисиз.
Орусиянын позициясы бул абалда түшүнүктүү: кыргыз-кытай чек арасы жана биздин өлкө аркылуу контрафакт ташуу коркунучу.
