«Эйр Кыргызстан» улуттук авиакомпаниясында өкүм сүргөн абал, анын жетекчиси тууралуу маселе көптөн бери көтөрүлүп келет, же маалымат жок, же жыйынтык жок. Ал банкрот болгон, бирок анын директору 4 миӊ доллардан маяна алат экен. Эмне, авиакомпанияны банкрот кылганы үчүн маяна төлөйт бекен? Депутат Тазабек Икрамов Жогорку Кеӊеш жыйынынын жүрүшүндө ушундай собол салды.
«Ырас, компаниянын өз учагы жок, сатып берип, каттамга чыгарыш керек, ошондо киреше түшөт.Тез жет» менен «Пегасус» сындуу авиакомпаниялар киреше менен эле иштеп жатышпайбы. «Эйр Кыргызстан» улуттук авиакомпаниясын атайлап банкрот кылып туруп, сатыкка коюшуптур. Мунун артында кимдер турат? Өкмөт бул маселени иликтеп чыгып, так жообун берсин», — деп кошумчалады депутат.
