Жолугушуунун жүрүшүндө министр А.Кожошев Кыргызстандын өнүгүүсүнө Европа реконструкциялоо жана өнүктүрүү банкынын салымы чоң экенин белгилеп, 1993-жылдан тарта банктан инвестиция көп болгонун айтты. Министрдин айтымында, банк учурда 700 млн еврого 153 долбоорду ишке ашырган. Жалпы портфелдин ичинен 69%ы жеке секторго туура келген.
Европа реконструкциялоо жана өнүктүрүү банкынын вице-президенти бул сунушка кызыкдар экенин билдирип, жеке секторго мамлекеттик кызматтардын жеткиликтүү болуусу тармагын колдой турганын айтты:
- юридикалык жактарды каттоо системасын электрондоштуруу;
–нотариалдык күбөлөндүрүү системасын автоматташтыруу:
–патент берүү системасы;
–юридикалык укуктарды жана укуктук мамилелерди электрондук каттоо.
Ошондой эле КРнын экономика министри Европа реконструкциялоо жана өнүктүрүү банкына “Таза коомдун” трасттык фондун түзүүгө катышуу сунушун киргизип, бул мамлекеттик кызматтарды автоматташтырууда финансылык платформаны ишке ашырууга көмөкчү болорун белгиледи.
Санарип технологиялар акырындык менен биздин жашообузга кирип, жакшы жактарын көрсөтүүдө. Себеби компьютер пара алгыдай адам эмес да. Анда адамдык фактор жок. Бул жарандардын мамлекет менен болгон мамилесин ачык-айкын кылат.
