“Түштүк” Ыкчам бажысынын кызматкерлери тарабынан ЕАЭБтин бажы аймагына мыйзамсыз ташылып келинген күйүүчү майлоочу материал кармалды.
2018-жылдын 22-февраль күнү болжол менен 23:30 чамасында, Баткен областынын Лейлек районуна караштуу Раззаков айылында, “Түштүк” Ыкчам бажысынын кызматкерлери тарабынан Тажикистан Республикасы менен чектеш чек арада өтүүгө аракет жасоо маалында Тажикистан Республикасынын жараны М.А.М., башкарган ТРдин мамлекеттик номер белгиси менен “Мерседес-Бенц 822” үлгүсүндөгү автотранспорттук каражат токтотулуп, текшерилген.
Жогоруда аталган автотранспорттук каражаттын жүк бөлүгүн текшерген учурда бажы контролунан тышкары, бажыга тийиштүү документтери жок ЕАЭБтин аймагына Таджикистан Республикасынан ташып келе жаткан күйүүчү майлоочу материал кармалган, күйүүчү майлоочу материалдын көлөмү 9100 литирди жана жалпы суммасы 241 150 сомду түзөт.
Иштин материалдары тергөөгө караштуулугу боюнча Ош областынын прокуратурасына өткөрүлүп берилди.
