Түркмөн бийлиги өңүнө, үлгүсүнө жана өндүрүштөн чыккан жылына жараша автоунааларды колдонууга жапырт түрдө чектөө киргизе баштады.
Лебап облусунда советтик үлгүдөгү гана эмес, 90-жылдары батыш жана жапон өндүрүшүнөн чыккан, техникалык абалы жакшы унааларды дагы токтотуу көбөйүүдө.
“Алардын көбүн МАИде техникалык кароодон өткөрүүдөн дагы баш тартышууда. Башка облустарда дагы жакында эски автоунааларга тыюу салынары айтылууда. Менин билишиме караганда, 2010-жылга чейин чыккан бардык машиналарды колдонууга чектөө киргизилет. Мындай имиштерден улам эски унаалардын баасы кескин төмөндөп кетти. Азырынча кара түстөгү унааларга көп анча асылыша элек, бирок алардын ээлери баары бир унааларын башка түскө боёп же сатышууда”.
2013-жылы түркмөн бийлиги колдонулган автоунааларды өлкөгө алып кирүүгө тыюу салган. Бул чектөө заводдон чыккан датасы беш жылдан өтүп кеткен автомобилдерге тиешелүү.
