Түркмөнстанда Каспий деңизинин жээгиндеги “Аваз” туристтик зонасынын кымбат баалуу мейманканалары сатыкка коюлду. Бул тууралуу түркмөн кызматы билдирди.
Маалыматтарга караганда, чет өлкөлүк ишкерлерге «Небитчи», «Ватанчи», «Дениз», «Ахал», «Мары», «Лебап» сыяктуу мейманканалар арзыбаган баага сунушталууда.
Аваздагы «Таджир» мейманканасы менчиктештирилгенин билдирди. Объект чет өлкөлүк ишкерге сатылган. «Таджир» «Өнөр жайчылар жана ишкерлер биримдигинин» эс алуу борбору катары курулган.
«Аваздагы» мейманканалар 2007–2017-жылдары мамлекеттин акчасына салынган. Убагында 40–50 миллион америкалык долларга бааланган объектилер учурда алдын ала 100 миң доллар которуп, калганын 30–40 жыл ичинде төлөп берүү шарты менен сатылууда.
