2018-жылы Бишкектеги “Ататүрк” паркы толук реконструкциядан өткөрүлөт. Бул тууралуу Түрк дүйнөсүнүн муниципалитеттер биримдигинин башкы катчысы Фахри Солак билдирди.
Анын айтымында, аталган паркта балдар ойной турган аянтчалар оңдолуп, жалпы 10 гектардан ашык жер ондолот.
Фахри Солак мэр Албек Ибраимов менен жолугуп паркты реконструкция боюнча сүйлөшөрүн, эгер долбоор жактырылса быйыл иш башталарын айтты.
Реконструкцияга канча каражат жумшалары тендерден кийин анык болот, алдын ала 500 миң доллар деп болжолдонууда.
Түрк дүйнөсүнүн муниципалитеттер биримдиги 2016-жылы Борбор калаадагы “Ататүрк” эс алуу багындагы “Ататүрк” эстелигин реставрациялоо жана парктты реконструкциялоону өз мойнуна алган.
