Түркия Евразиялык экономикалык биримдикке мүчө мамлекеттер менен соода алакасын түзөбү?
Туркиянын экономика министри Нихайт Зейбекчи Измирдеги 86-эл аралык жарманкеде ЕАЭБ менен юажы келишими боюнча сүйлөшүүлөр жүрүп, келишимге кол коюу иштери башталганын билдирди. Буга байланыштуу Анкара Европа Биримдигинен канчалык алыстап Орусия менен канча жакындай баштайт деген бир топ талкуулар болууда.
Учурда түркиялык аткаминердин бул билдирүүсү Түркия президенти Режеп Тайип Эрдогандын каалоосу экенин, ал славян жана түрк мамлекеттеринин ортосунда ынтымактуу биримдик түзүү боюнча ири оюндун башталышы экендигин айтышууда. Айрымдар болсо Анкара мындай жол менен Европа биримдигин шантаж кылып, кызматташуу үчүн жаңы багыттарды ачкысы келип жатканын билдиришти.
Анкаранын ЕАЭБдин алкагында кызматташууну каалаганынын мааниси тереңде жатат.
Евробиримдик менен болгон мамилени жакшыртуу менен Түркия ЕАЭБдин алкагында Орусия менен болгон мамилесин чыңдаганы турат.
Түрк өлкөлөрүнө ставка
Түркия президентинин Казакстанга, андан соң Азербайжанга барышы Эрдогандын жаңы саясатында зор мааниге ээ. Анкара орусия бийлиги менен экономикалык жана саясий жактан сүйлөшүү жүргүзүү үчүн биринчи кезекте – Казакстан, Кыргызстан, Өзбекстан, Түркмөнстан, Азербайжан сыяктуу түрк мамлекеттери менен мамилени жакшыртып, алардан колдоо табуу керектигин түшүнүп турат.
Мындан улам жакынкы убакта Эрдоган башында турган делегация Кыргызстанга келиши мүмкүнбү?
Баса, Туркия кыргызстандын көз карандысыздыгын тааныган алгачкы өлкөлөрдүн бири. Бирок дүйнөлүк өнүгүү шарттарында кайрадан түрк жана славян элдеринин бирдиктүү баалуулуктары айтууга мезгил келди.
Буга байланыштуу Түркия менен Орусинын ЕАЭБдин алкагында жакындашы мезгил талабы болуп саналат. Саясий жана экономикалык байланыштын интеграция болуусуна болгон талап бардык өлкөлөр ЕВробиримдик менен кызматташа албагандыгынан улам болууда.
Экономиканы өнүктүрүү үчүн жаңы биримдиктерди түзүү керек, учурда түрк жана славян элдеринин биригүүсү ийгиликтүү варианттардын бири болуп саналат.
