Мамлекеттик Бажы кызматынын маалыматына ылайык, жыйынтыктарын берүүдө. Тактап айтканда, 2018-жылдын январь айында 2,8 млрд сомдон ашуун бажы төлөмдөрү жыйналган, ал эми болжолдонгон көлөм 1,9 млрд сомду түзгөн эле. Өсүү темпи 146,2% түзүп, же 907,3 млн сомду түзгөн.
«Бажы төлөмдөрүн администрациялоону жакшыртуу, коррупция деңгээлин төмөндөтүүгө байланыштуу реформалардын алгачкы жыйынтыктары бир жарым ай ичинде мамлекеттик бюджетке өткөн жылдын ушул мезгилине салыштырмалуу дээрлик эки эседен көп түшүүлөрдү алып келди. Биз бажы органдары боюнча түшүүлөрдүн өсүү динамикасын көрүүдөбүз, айрым бажы органдары боюнча түшүүлөр бир нече эсеге жогорулады. Мен бажы тармагында резервдер жана чоң мүмкүнчүлүктөр бардыгына ишенем. Коррупцияга каршы күрөшүүдө чечкиндүү кадамдардын жасалышын талап кыламын» – деди Сапар Исаков Кубанычбек Кулматов менен болгон жолугушуу учурунда.
Жалпы чогултулган бажы төлөмдөрүнүн суммасынын ичинен алымсыз бажы төлөмдөрү 1 млрд. 838,1 млн. сомду түзгөн (болжолдонгон көрсөткүчкө карата 190,0% түзгөн, же белгиленген пландан 870,8 млн. сомго жогору). ЕАЭБ жөнүндө Келишимге ылайык түшүүчү киргизүү алымы 1 млрд. 33,2 млн. сомду түзгөн (болжолдонгон көрсөткүчкө карата 103,7% түзгөн, же коюлган пландан 36,5 млн. сомго көп).
2018-жылдын январь айына карата бажы төлөмдөрүн жыйноо боюнча болжол 1 млрд. 964,0 млн. сом өлчөмүндө бекитилген, анын ичинде:
- алымсыз бажы төлөмдөрү – 967,3 млн. сом;
- ЕАЭБ өлкөлөрүнөн түшкөн алым – 996,7 млн. сом.
Андан соң Кубанычбек Кулматов Өкмөт башчыга 2017-жыл үчүн МБК тарабынан бажы төлөмдөрүнүн түшүүсү 34,2 млрд. сом көлөмүндө камсыз кылынгандыгын, болжол 98,4% аткарылгандыгын маалымдады.
