2016-жылдын ушул маалы менен салыштырмалуу ЕАЭБге мүчө өлкөлөр менен болгон соода көлөмү 11,4% өскөн.
Экспорттун көлөмү – 29,3%, ал эми импорт – 6,3% жогорулады. Алардын ичинен Орусия менен болгон соода алакасы – 51,8% жана Казакстан менен болгон соода – 48,2% болду.
Орусияга кийим ташуу 2,8 эсеге, кургатылган жемиштер 2,7 эсеге, пияз ташуу 5,9 эсеге жана сабиз ташуу 1,9 эсеге жогорулаган. Ошол эле маалда 2,8 эсеге төө буурчактарды ташуу жана кургатылган жашылчаларды ташуу азайган.
Россиядан төмөнкүлөрдү ташуу көбөйгөн:
Сүт азыктары 1,9 эсе;
Жыгач материалдары 5,1 эсе;
Фармацевттик товарлар 2 эсеге;
Өсүмдүк майы 16,1%.
Ал эми желим буюмдарды ташуу 2 эсеге, жемиш ташуу 1,6 эсеге, кара металлдан жасалган буюмдарды ташуу 30,1% кыскарган.
Астанада Евразиялык Өкмөттөр аралык кеңешинин мүчөлөрү ЕАЭБ менен Иран өлкөсүнүн ортосунда эркин соода аймагын түзүү боюнча сүйлөшүүлөрдү жүргүзүштү.
Жолугушуунун катышуучулары ЕАЭБге мүчө-мамлекеттердин кызматкерлеринин пенсиялык камсыз кылуу боюнча да сүйлөшүүлөрдү жүргүзүштү. Мындан сырткары Евразиялык экономикалык биримдиктин алкагында авиациялык кырсыктарды иликтөө боюнча комиссия түзүү, Евразиялык экономикалык биримдикке мүчө мамлекеттердин биринде берилген улуттук жана эл аралык айдоочулук күбөлүктөрдү өз ара таануу тууралуу маселелер да каралды.
Эгерде СЭЗ түзүлсө анда кыргыз ишкерлеринин экспорт мүмкүнчүлүгү кеңейет.
