Москвалык киши кулагын тиштеп алган тажикстандык короо шыпыруучу Махмадулло Давлатзода полицияга жазган арызынан баш тартты. Бул үчүн ал тынчтык келишимдин негизинде 150 миң рубль (3 миң доллардын тегереги) компенсация алды.
Махмадулло Давлатзоданын жактоочусу, «Общественный вердикт» фондунун юристи Ирина Бирюкова айыпталуучу мигранттан расмий түрдө кечирим сурап, дарылануу үчүн 150 миң рубль төлөп бергенин билдирди.
Августтун ортосунда тажикстандык мигрант Махмадулло Давлатзода ити Москвадагы көп кабаттуу үйлөрдүн биринин алдындагы гүлдөргө заңдаган аялга сын айткан. Жооп катары ал кыйкырып, мигрантты кемсинткен.
Окуядан кийин Давлотзода полицияга даттанып барган, бирок укук коргоо кызматкерлери аны арыз жазбастан, сабаган адамды кечирип коюуга көндүрүшкөн. Бирок көп өтпөй тигил киши кайрадан пайда болуп, аялынан кечирим сурабаса мындан ары бул жакта иштебей тургандыгын айтып бычак менен коркуткан. Мигрант анын бул талабын аткаруудан баш тартканда ал Давлатзоданын кулагын тиштеп алган.
