Айыл-чарба министри Нурбек Мурашев расмий иш-сапары учурунда эки өлкө ортосундагы айыл-чарба, мал чарбачылыгы, балык чарбачылыгы тармагында кызматташуу тууралуу макулдашууга кол койду. Ошондой эле карантин аймагын куруу үчүн каражат бөлүү маселеси талкууланган. Андан соң карантин аймагы аркылуу Сауд Аравиясына эт экспорттоо каралууда.
Жолугушуунун жүрүшүндө коюлган маселени чечүү жолдору талкууланды. Биздин өлкө Сауд Аравиясына эт, эт азыктарын, бал, томат, төө буурчак, картошка, жашылча, жүзүм, консерваланган жашылча, кургатылган демиш, жаңгак ташууга даяр. Биздин балга, жаңгакка жана жемишке болгон талап күчтүү экени белгилүү болду.
Айыл-чарба министрлиги каржылоо үчүн ыраазычылыгын билдирип, карантин аймагы аркылуу ири мүйүздүү мал гана эмес, тоңдурулган эт дагы алып өтүү сунушун берди.
Курулуш иштери башталгыча тараптар карантин аймагын курууга канча каражат кетерин эсептөөчү техникалык топ керектиги жана ал топко курулуштун, фитосанитариянын, мал чарбачылыгынын, укуктук маселе боюнча өкүлдөрдүн кошулуусу керектиги тууралуу маселе коюлду. Бул топ долбоор боюнча техникалык негиздерди иштеп чыкмакчы. Айыл-чарба министрлиги болсо адистерге тиешелүү маалымат топтоого жардам берет.
Ошондой эле сауд инвесторлорунун Кыргызстандагы эл аралык логистикалык борборлордун курулушуна катышуу мүмкүнчүлүгүн кароо сунушталды.
Инвестициялар карантин аймактарын курууга гана эмес, Кыргызстанда эл аралык логистикалык борбордун курулушуна дагы жумшалат.
