2018-жылдын январь-февралында республикалык бюджеттен каржыланган чыгашалардын жалпы көлөмү 17 млрд. 312,6 млн. сомду түздү же эсептик план (22 млрд. 545,7 млн. сом) 76,8 %га аткарылды. Өткөн жылдын бирдей мезгилине салыштырмалуу республикалык бюджеттин чыгымдары 12 %га же 1 млрд. 851,7 млн. сомго көбөйдү.
Үстүбүздөгү жылдын январь-февралында кассалык пландын негизинде республикалык бюджеттен каржылоонун көлөмү 19 млрд. 892,9 млн. сомго жеткирилди (эсептик план боюнча 22 млрд. 545,7 млн. сом болмок) же 88,2 %га аткарылды.
Иш жүзүндө бюджеттик мекемелер тарабынан өздөштүрүлгөн каражаттар, башкача айтканда, кассалык чыгымдар 17 млрд. 312,6 млн. сом суммасында жүргүзүлдү же кассалык пландын 87 %ын түздү. 2018-жылдын 1-мартына карата бюджеттик мекемелердин эсептеринде турган кассалык планда каралган каражаттардын сарпталбаган калдыктары 2 млрд. 580,3 млн. сом болду. Бул каражаттар бюджеттик уюмдардын карамагында турат жана өз алдынча сарпталат.
Чыгашалардын корголгон беренелери боюнча бюджеттик мекемелерден келип түшкөн бардык өтүнмөлөр (маяна, Социалдык фондго чегерүүлөр, дары-дармектер, тамак-аштар, жөлөкпулдар, стипендиялар жана мамлекеттик карыз боюнча пайыздарды тындыруу) 100 %га канааттандырылды.
14 млрд. 973,2 млн. сом суммасындагы корголгон беренелер боюнча кассалык пландын каржыланган көлөмүндө 16 млрд. 423,7 млн. сом суммасындагы эсептик пландын аткарылышы 91,2 %ды, кассалык чыгымдар 13 млрд. 131 млн. сомду же кассалык пландын 87,7 %ын түздү.
Корголгон беренелер боюнча бөлүнгөн кассалык пландын бюджеттик мекемелер тарабынан сарпталбаган каражаттары 1 млрд. 842,2 млн. сомду түздү.
2017-жылдын бирдей мезгилиндеги көрсөткүчтөргө салыштырмалуу кассалык чыгымдар 15,4 %га же 1 млрд. 749,8 млн. сомго көбөйдү.
Чыгашалардын корголбогон беренелери боюнча кассалык план 2 млрд. 758,2 млн. сомго каржыланды же 3 млрд. 465,4 млн. сом суммасындагы эсептик пландын 79,6 %ы аткарылды. Кассалык чыгымдар 2 млрд. 102,8 млн. сомду же кассалык пландын 76,2 %ын түздү. 655,4 млн. сом суммасындагы сарпталбаган каражаттар бюджеттик уюмдардын карамагында турат. 2017-жылдын бирдей мезгилиндеги көрсөткүчтөргө салыштырганда корголбогон беренелер боюнча кассалык чыгымдар 232,3 млн сомго же 12,4 %га көбөйдү.
Анын ичинде финансылык эмес активдер боюнча кассалык план 879,6 млн. сомго каржыланды же 1 млрд. 175,8 млн. сом суммасындагы эсептик пландын 74,8 %ы аткарылды. Кассалык чыгымдар 617,9 млн. сом суммасында жүргүзүлдү же кассалык пландын 70,2 %ы орундалды. Кассалык пландын каражаттарынын сарпталбаган калдыктары 261,7 млн. сомду түздү.
2017-жылдын көрсөткүчтөрүнө салыштырмалуу финансылык эмес активдерди сатып алууга сарпталган чыгымдар 238,8 млн. сомго көбөйдү.
Финансылык активдер боюнча республикалык бюджеттен 200 млн. сом бөлүндү, бул 166,6 млн. сом суммасындагы эсептик пландын 120 %ын түздү. Финансылык активдер боюнча кассалык чыгымдар 200 млн. сомго жүргүзүлдү же кассалык план 100 %га аткарылды.
Милдеттенмелерди аткарууга республикалык бюджеттен кассалык пландын негизинде 1 млрд. 961,6 млн. сом бөлүндү же такталган пландын (2 млрд. 490 млн. сом) 78,8 %ы аткарылды. Иш жүзүндөгү кассалык чыгымдар 1 млрд. 878,9 млн. сомду же кассалык пландын 95,8 %ын түздү.
