Ресурстардын курамында көбүрөөк салыштырма салмакты төмөнкүлөр тарабынан камсыздалган түшүүлөр ээледи:
Мамлекеттик салык кызматы — 40,9 %,
Мамлекеттик бажы кызматы — 24,4 %,
Мамлекеттик казыналык векселдерден (МКВ) түшкөн кирешелер — 11,2 %,
Бюджеттик ссудаларды кайтаруу – 2,6%.
2017-жылы республикалык бюджетке түшкөн кирешелердин жалпы көлөмү 119 млрд 539,8 млн сомду же пландын 97,3 %ын түздү. 2016-жылдын ушул мезгилине салыштырмалуу кирешелер 18 млрд 714,2 млн сомго көбөйдү.
Салык кызматы боюнча түшүү 57 млрд 282,9 млн сомду түздү же план 95,1 %га аткарылды.
Бажы кызматы боюнча түшүү 34 млрд 179,9 млн сомду түздү же план 98,4 %га аткарылды.
Милдеттүү медициналык камсыздандыруунун каражаттарынын камсыздандыруучу суммаларын түзгөн төгүмдөрдүн жана социалдык муктаждыктар үчүн чегерүүлөрдүн республикалык бюджетке түшүүсү 2 млрд 412,5 млн сомду түздү же план 98,8 %га аткарылды.
Алынган расмий трансферттер (гранттарды эсептебегенде) 7 млрд 801,5 млн сомду түздү (план боюнча 7 млрд 921,1 млн сом түшмөк), пландын аткарылышы 97,9 %ды түздү.
Активдер жана милдеттенмелер 20 млрд 464,4 млн сомду түздү (план боюнча 20 млрд 320,8 млн сом келип түшмөк), план 100,7 %га аткарылды.
Ишканалардан жана уюмдардан мурда аларга берилген ссудалар жана кредиттер боюнча 2 млрд 783,2 млн сом кайтарылды. Мамлекеттик казыналык векселдер боюнча түшүүлөр 15 млрд 654,7 млн сомду же пландын 100 %ын түздү.
Маалымат үчүн:
- Бюджеттик мекемелердин атайын каражаттары – 9 млрд 484,3 млн сомду;
- МИПтин каражаттары – жалпысынан 24 млрд 536,8 млн сомду түздү, анын ичинде:
МИПтин тышкы насыялары — 19 млрд 716,7 млн сом,
МИПтин гранты – 4 млрд 820,1 млн сом.
