Отурумдун күн тартибинде Кыргыз Республикасынын Глобалдык фонддон 2018–2020-жылдарга кургак учук жана безгек менен күрөшүү үчүн гранттык каражат алуу боюнча өлкөлүк билдирмесин жактыруу боюнча маселе каралды.
Белгиленген өлкөлүк билдирме 2017-жылдын ичинде жана Коомдук саламаттыкты сактоо боюнча координациялык кеңешке караштуу Билдирмелерди даярдоо, ресурстарды мобилизациялоо, ВИЧ/СПИД, кургак учук жана безгек менен күрөшүү комитетинин гармонизациялоо секторунун мүчөлөрү тарабынан иштелип чыккан. Даярдалган билдирме кызыкчылыгы бар мамлекеттик органдардын өкүлдөрү, эл аралык жана коммерциялык эмес мекемелер, жалпыга маалымдоо каражаттары жана жарандык сектордун катышуусунда жумушчу жана эксперттик аянтчаларда каралган.
Коомдук саламаттыкты сактоо боюнча координациялык кеңештин алдындагы ВИЧ/СПИД, кургак учук жана безгек менен күрөшүү комитетине СПИД жана кургак учук жана безгек менен күрөшүү үчүн Глобалдык фондго аталган өлкөлүк билдирмени жөнөтүү тапшырмасы берилди.
